السلام عليكم ورحمة الله وبركاته البنات الغزلات هنا جبت ليكم طريقة تحضير الصابون البلدي بي الاعشاب وكيف هو معرو عندنا احنى المغاربة منقدروش نمشيو الحمام ومنعملوش الصابون بلدي وهاد الطريقة تغنين عن اقتناء انواع والاشكال ديال الصابون بلدي لي موجودة في الاسواق بكترة بعدا نعرفو باش كنغسلو كلشي خارج من تحت ايدينا ولا اشنو بالكم كلامي صح ولا غلط؟؟؟؟؟؟؟؟؟؟؟؟؟؟؟؟؟ المقادير 250 غرام صابون بلدي م ك حبة سوداء مطحونة م ك اكليل الجبل مطحون م ك الريحان مطحون م ك ورد مطحون م ك خزمى مطحونة م ك زعتر مطحون عصير 2 حمضات كبار الطريقة ناخدو جميع الاعشاب السالف دكرها بعدما طحناهم طبعا وغربنهم جيدا جيدا جيدا ردو البال لازم يكونو بودرة يعني مطحونين مزيان ومغربلين بغربال رقيق بزاف باش مايجيوناش حرشين في الجسم ديالنا نجمعو جميع الاعشاب ونخلطهم بعصير الحامض ونحركم جيدا بي اطراف الاصابع حتى ينسجمو تم ناخدو الصابون بلدي ونضيفو عليه الاعشاب المخلوطة ونخلطهم مزيان ونعملوه في بواطة ونحتفضو بيه فوقما بغينا نمشيو الحمام ناخدوه معانا راه ممتاز
السبت مايو 26, 2012 6:33 pm من طرف om yasser
